పల్నాడు జిల్లాలో శ్రీ వీర్ల అంకమ్మ ఉత్సవాలు

పల్నాడు జిల్లా దాచేపల్లి పట్టణంలో వేంచేసి ఉన్న గ్రామ దేవత శ్రీ వీర్ల అంకమ్మ తల్లి అమ్మవారి దేవస్థానంలో 26వ కొలుపుల తిరుణాల్ల మహోత్సవ కార్యక్రమం అత్యంత వైభవంగా నిర్వహిస్తున్నారు. అయిదు రోజుల పాటు జరిగే ఈ కొలుపుల తిరునాళ్ళ సందర్భంగా రెండు తెలుగు రాష్ట్రాల స్థాయిలో ఎడ్ల పందాలు , అమ్మవారికి ప్రత్యేక పూజలు , భారీ అన్నదాన కార్యక్రమం నిర్వహిస్తున్నారు. ఆలయ అర్చకులు మాట్లాడుతూ మన గ్రామ దేవత అయిన శ్రీ వీర్ల అంకమ్మ తల్లి దేవస్థానంలో కొలుపుల తిరునాళ్ళ మహోత్సవం సందర్భంగా ఈ అయిదు రోజుల పాటు ప్రత్యేక పూజలు , అద్భుత జాతర నిర్వహిస్తున్నట్లు వారు తెలిపారు. జలాభిషేకం , జలబిందెల ఊరేగింపు , అమ్మవారికి పుట్టింటి పసుపుకుంకుమ , పల్లకిసేవ , అమ్మవారికి బోనాలు సమర్పణ కుంభోత్సవం , శాంతికల్యాణం తో ఈ కొలుపుల తిరునాళ్ళ కార్యక్రమం ముగుస్తుంది అని వారు తెలిపారు. ఈ అయిదు రోజుల పాటు జరిగే ఈ కార్యక్రమాలలో భక్తులు అధిక సంఖ్యలో పాల్గొని అమ్మవారి కృపకు పాత్రులు కావాలని ఆలయ అర్చకులు కోరారు.